Ĉirkaŭ cento da gallaj urboj estis dotitaj dum la Basa Imperio ( 3a-4a jarcento p.K) de remparo, simbolo de la Imperia renovigita potenco kaj de la profunda, politika kaj administracia reorganizado.

La Mansa remparo estas la plej bone konservita en la tuta Empirio, same kiel tiuj de la du Imperiaj ĉefurboj Romo kaj Konstantinopolo.
Konstruita je la fino de la tria jarcento (280-290), la remparo protektis la loĝantojn de Le Mans kontraŭ la atakoj de la Bretonoj kaj de la Vikingoj dum la 9a jarcento, do dum ses jarcentoj post ĝia konstruo.
Pliaj remparoj estis konstruitaj dum la 13a-14a kaj 15a jarcentoj por plifortigi la protektadon de la urbo.

Tiu fortreso de la Basa Imperio kun perimetro kiu longas 1,3 km, enfermas naŭ-hektaran spacon, kiu fariĝis, dum dek kvin jarcentoj la historia kerno de la urbo.
La remparo estas rimarkinda pro la riĉeco kaj la unika abundeco de la geometriaj ornamoj de siaj eksteraj masonaĵoj, kies dominanta koloro valoris la epiteton « ruĝa urbo ».

Sen vera fundamento, la remparo montras bazon el ŝtonoj tavolitaj kaj nude juntitaj.
Enkadriga ĉizaĵo kaj skulptitaj bosoj montrantaj arko-desegnoj ornamas kelkfoje tiujn ŝtonblokojn.

La ekstera ornama masonaĵo konsistas el zorge rektaj vicoj da malgrandaj ŝtonoj, kiuj tavoloj da brikoj alternas je regulaj distancoj.
Tiujn materialojn ligas roza mortero, kies koloron oni akiris per pistita briko aŭ tegolo aldonita al la sablo kaj kalko.

La konstruistoj uzis la malsamajn kolorojn de la ŝtonoj por krei geometrian ornamon kun lozanĝoj, oblikvaj linioj, trianguloj, cirkloj, angulaj krampoj, blankaj rektaj kaj nigraj inversaj lozanĝoj.

Dek unu turoj ankoraŭ estas videblaj, precipe borde de la rivero Sarthe. Iliaj formoj estas diversaj, tamen pli oftas la oblonga duoncirklo. Pli malofte aperas la seslatera kaj hufuma formo.

Tri poternoj ankoraŭ ekzistas sur la okcidenta flanko de la remparo : la Poterno de la Tunelo, la Granda Poterno kaj la Poterno de la Malgranda Sankta Petro.

Pro ĝia bone konservita stato, la Galla-Romia remparo en Le Mans estas unika monumento en Francio. Jam de pli ol 1700 jaroj, ĝi atestas pri la bonega kvalito de la Romia konstruado kaj pri la ĉefurba rolo kiel « Civitas » de
la urbo Le Mans.